O pasado 12 de xuño, o IGAPE publicou no DOG a convocatoria dunhas bolsas de formación para titulados universitario. Estas bolsas son prácticas formativas incardinadas en programas de mellora nas pemes galegas, en diversas áreas como:
- Optimización financeira/mellora do circulante.
- Profesionalización da produción.
- Relanzamento comercial.
- Xestión por procesos.
- Imaxe e comunicación empresarial.
- Construción dun proxecto de futuro e plan de mellora empresarial.
- Desenvolvemento de plans de acción.
- Identificación de redes de cooperación e socios.
- Innovación na empresa.
- Desenvolvemento do capital humano.
- Execución de vixilancia tecnolóxica/intelixencia competitiva.
A bolsa consistirá nunha formación teórica previa, e completarase a través dun programa formativo baixo a tutela de empresas de consultoría.
Aquelas empresas de consultoría que queiran incorporar estes bolseiros, deberán formalizar un convenio de colaboración co IGAPE e cumprir cos seguintes requisitos:
- Solvencia técnica: empresas con experiencia mínima de 4 anos en consultoría empresarial, especificamente dirixida á elaboración de proxectos de mellora nas pemes nos ámbitos antes descritos.
- Solvencia económica cunha facturación mínima no 2011 de 300.000 € en proxectos de consultoría empresarial e, polo menos, 3 empregados UTA en ano 2011.
Contacto