A Cámara Oficial de Comercio, Industria e Navegación de Vilagarcía de Arousa, atendendo ao seu compromiso co tecido empresarial da Demarcación, dispón dunha área especializada en Innovación e Tecnoloxía, co obxectivo de promover estes aspectos na empresa e mellorar así, a súa competitividade no mercado. A nosa principal función é ofrecer servizos de información e asesoramento sobre I+D+i, así como ofrecer programas e proxectos que faciliten a integración da innovación nas súas actividades e procesos.