Apoiar a creación e consolidación de novas empresas de base tecnolóxica en España

Beneficiarios

     Empresas de base tecnolóxica (EBT) con categoría de pequena empresa e con menos de 6 anos de antigüidade.

Tipo de axudas

     Hai dous tipos de axuda ou instrumentos NEOTEC diferenciados en función da idade ou fase do ciclo de vida no que se atopa a EBT:

FASE

INSTRUMENTO

BENEFICIARIOS

I-Creación de empresa

NEOTEC I

EBT de 0 a 2 anos

II-Consolidación de empresa

NEOTEC II

EBT de 2 a 6 anos

     As características destas fases e os instrumentos de financiamento de cada unha delas a detallas a continuación.

1 - Fase Creación de empresa

     A empresa que solicite axuda para a Fase I deberá ter menos de 2 anos no momento da solicitude. O estudio, a avaliación e a aprobación da proposta por parte de CDTI poden realizarse superados os 2 anos de vida da empresa.

     As novas EBT que soliciten axuda NEOTEC I deberán presentar un plan de empresa a 5 anos, dos cales CDTI poderá financiar como máximo os dous primeiros dende a data de solicitude da axuda. O presuposto mínimo asociado estará en torno aos 240.000 & euro; incluíndo como custos elixibles: investimentos en activos fixos, gastos de persoal, materiais, colaboracións externas, gastos de saída ao Mercado Alternativo Bolsista e outros custos. En ningún caso se financian gastos e investimentos anteriores á solicitude, así como tampouco edificacións.

     CDTI proporcionará, tras unha exhaustiva avaliación, un crédito semente ou axuda NEOTEC de ata o 70% do presuposto do plan de empresa aprobado, cun importe máximo xeral de 350.000 & euro; podendo chegar a 400.000 & euro; en casos de ruptura tecnolóxica, e a 600.000 & euro; no ámbito da biotecnoloxía. O crédito é a tipo de interese cero e sen garantías adicionais.

     CDTI anticipa a empresa, á sinatura do contrato que regula a axuda NEOTEC, entre o 40 e o 60% da axuda aprobada. O resto entregarase á empresa á finalización e xustificación técnica e económica do proxecto-plan de empresa aprobado.

     A empresa devolverá a axuda a CDTI segundo vaia xerando cash-flow positivo. Para iso, a empresa comprométese a facilitar a CDTI anualmente as contas anuais pechadas. A cota anual de devolución será de ata un 20% do cash-flow positivo xerado ata a amortización total do crédito.

II - Fase Consolidación de empresa (NEOTEC II)

     Para solicitar axudas para a Fase II, a empresa deberá ter máis de 2 anos de idade e menos de 6 anos. Polo tanto, as empresas que soliciten axuda para NEOTEC II deberán ter en conta que, á idade da empresa no momento de realizar a solicitude telemática da axuda, se lle deberá engadir o tempo necesario para o estudio, a avaliación e a aprobación da proposta, e a suma de todos eles non deberá superar os 6 anos de vida da empresa.

     As novas EBT que soliciten axuda NEOTEC II deberán presentar un plan de empresa a 5 anos, dos cales CDTI poderá financiar como máximo os dous primeiros dende a data de solicitude da axuda. O presuposto mínimo asociado deberá ter un presuposto mínimo en torno aos 240.000 &euro., incluíndo como custos elixibles: investimentos en activos fixos, gastos de persoal, materiais, colaboracións externas, gastos de saída ao Mercado Alternativo Bolsista e outros custos. En ningún caso se financian gastos e investimentos anteriores á solicitude.

     A axuda NEOTEC II poderá ser de ata o 70% do presuposto aprobado, ata 1.000.000 & euro. O crédito é, ao igual que en NEOTEC I, a tipo de interese cero e sen garantías adicionais.

     As axudas recibidas entre NEOTEC I e NEOTEC II non poderán superar 1.000.000 & euro; polo tanto, as empresas que previamente obtiveron unha axuda NEOTEC I poderán ver minorada a axuda NEOTEC II para non superar este límite.

     CDTI anticipará á empresa, á sinatura do contrato, o 25% da axuda aprobada. O resto entregarase á finalización e xustificación técnica e económica do proxecto-plan de empresa aprobado.

     Ao igual que en NEOTEC I, a empresa devolverá a axuda a CDTI segundo vaia xerando cash-flow positivo. Para iso, a empresa comprométese a facilitar a CDTI anualmente as contas anuais pechadas. A cota anual de devolución será fixa dun 20% do cash-flow positivo xerado ata a amortización total do crédito.